ព័ត៌មានជាតិ

រដ្ឋបាលខណ្ឌព្រែកព្នៅ បានរៀបចំកិច្ចប្រជុំគណៈបញ្ជាការឯកភាពខណ្ឌ ក្រោមអធិបតីភាព លោក សុខ សម្បត្តិ

July 9, 2022July 9, 2022 adm Comment(0)

នៅរសៀលថ្ងៃសុក្រ ១០កេីត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៨ ខែកក្កដា ឆ្នាំ២០២២ វេលាម៉ោង១៥:០០នាទី រដ្ឋបាលខណ្ឌព្រែកព្នៅ បានរៀបចំកិច្ចប្រជុំគណៈបញ្ជាការឯកភាពខណ្ឌ ក្រោមអធិបតីភាព លោក សុខ សម្បត្តិ អភិបាល នៃគណៈអភិបាលខណ្ឌព្រែកព្នៅ ដោយមានការចូលរួមពីគណ:អភិបាល អធិការ មេបញ្ជាការរង នាយក នាយករង ការិយាល័យពាក់ព័ន្ធខណ្ឌ ចៅសង្កាត់សង្កាត់ទាំង៥ លោកមេប៉ុស្តិ៍រដ្ឋបាលសង្កាត់ទាំង៥ ភ្នាក់ងារប្រមូលសំរាមសង្កាត់ទាំង៥ លោក លោកស្រីតំណាងក្រុមហ៊ុន800Super និងលោក លោកស្រីតំណាងផ្សារព្រែកព្នៅ និងផ្សារប៉េង ជ្រី

របៀបវារ: រួមមាន ៖

I-ផ្សព្វផ្សាយពីលទ្ធផលកិច្ចប្រជុំគណៈបញ្ជាការឯកភាពរបស់រដ្ឋបាលរាជធានីភ្នំពេញ

II-ការងារសន្តិសុខ សណ្តាប់ធ្នាប់សាធារណៈ អនាម័យ

III-ការងារហេដ្ឋារចនាសម្ព័ន្ធ និងការថែទាំផ្លូវ-ថ្នល់

IV-ការងារផ្សេងៗ

១.ជម្រុញការចាក់វ៉ាក់សាំងជំងឺកូវីដ-១៩ ដូសទី៣ ដូសទី៤ និងដូសទី៥

២.វឌ្ឍនភាពអំពីការចូលរួមប្រឡងប្រណាំងទីក្រុងស្អាត

៣.ផ្សព្វផ្សាយស្មារតីអង្គប្រជុំរបស់រដ្ឋបាលរាជធានីភ្នំពេញ កាលពីព្រឹកថ្ងៃ០៨ ខែកក្កដា ឆ្នាំ២០២២ ក្រោមអធិបតីភាព ឯកឧត្តម កេីត ឆែ អភិបាលស្តីទី នៃគណៈអភិបាលរាជធានីភ្នំពេញ។

adm

ព័ត៌មានជាតិ

ឯកឧត្តមបណ្ឌិត ហ៊ុន ម៉ាណែត៖ គណបក្សប្រជាជនកម្ពុជាបានផ្សារសាច់ផ្សារឈាមភ្ជាប់ជាមួយកម្មករនិយោជិតតាំងពីឆ្នាំ១៩៧៩ មកម៉្លេះ ហើយក៏នឹងបន្តពង្រឹងនិងពង្រីកបន្ថែមនូវគោលនយោបាយលើកស្ទួយជីវភាពប្រជាពលរដ្ឋឱ្យកាន់តែមានភាពចម្រុងចម្រើនខ្លាំងឡើងបន្ថែមទៀត

May 2, 2022May 2, 2022 adm

ឯកឧត្តមបណ្ឌិត ហ៊ុន ម៉ាណែតសមាជិកគណៈអចិន្ត្រៃយ៍ នៃគណៈកម្មាធិការកណ្តាល និងជាប្រធានយុវជនគណបក្សប្រជាជនកម្ពុជាថ្នាក់កណ្តាលបានអញ្ជើញចូលរួមជាអធិបតីក្នុងពិធីសំណេះសំណាលជាមួយថ្នាក់ដឹកនាំសហជីព បណ្តាញកម្មករក្រៅប្រព័ន្ធ និងតំណាងពលករនៅក្រៅប្រទេសសរុបប្រមាណជា ៣០០០នាក់ ដើម្បីអបអរសាទរខួបទី១៣៦ ទិវាពលកម្មអន្តរជាតិ ០១ឧសភា នៅវិមាន៧មករា ស្នាក់ការកណ្តាលនៃគណបក្សប្រជាជនកម្ពុជា។ នាព្រឹកថ្ងៃទី០១ ខែឧសភា ឆ្នាំ២០២២នេះ ឯកឧត្តមបណ្ឌិត ហ៊ុន ម៉ាណែត បានគូសបញ្ជាក់ថា គណបក្សប្រជាជនកម្ពុជាតែងតែចាត់ទុកកម្មករនិយោជិតគឺជាកម្លាំងចលករដ៏ធំ និងសំខាន់សម្រាប់ប្រទេសជាតិ ហើយតែងតែដាក់ខ្លួនបម្រើបងប្អូនកម្មករនិយោជិត តាំងពីដើមរៀងមក គ្រប់កាលៈទេសៈ និងស្ថានភាពជាក់ស្តែងនៃសង្គមកម្ពុជា។ ជាក់ស្តែង មុនពេលមានករណីរាតត្បាតជំងឺកូវីដ-១៩ សម្តេចតេជោ ហ៊ុន សែន បានចុះជួបផ្ទាល់ជាមួយបងប្អូនកម្មករនិយោជិតនៅតាមរោងចក្រ សហគ្រាសបានចំនួន ៧៧លើក ស្មើនឹងកម្មករនិយោជិតប្រមាណជាង ១លាននាក់ ហើយសម្តេចតេជោ តែងតែណែនាំដល់គ្រប់មន្ត្រីគណបក្សឱ្យចុះជួប និងរៀបពិធីផ្សេងៗដើម្បីរំឮកខួប និងភ្ជាប់ទំនាក់ទំនងល្អជាមួយបងប្អូនកម្មករនិយោជិត។ គណបក្សប្រជាជនកម្ពុជាមានថ្នាក់ដឹកនាំប្រកបដោយគតិបណ្ឌិត យកសមូហភាព និងសាមគ្គីភាពជាធំ គណបក្សបានដាក់ចេញនូវគោលនយោបាយត្រឹមត្រូវ និងច្បាស់លាស់ ជាហេតុធ្វើឱ្យកម្ពុជារក្សាបាននូវសុខសន្តិភាព និងស្ថិរភាព បង្កើតបាននូវបរិយាកាសវិនិយោគល្អ ធ្វើឱ្យមានការវិនិយោគពីបរទេសច្រើន បង្កើតរោងចក្រ បង្កើតក្រុមហ៊ុន និងបង្កើតការងារថ្មីៗជូនប្រជាពលរដ្ឋ ដែលពីដើមឡើយប្រទេសកម្ពុជាយើងគឺពឹងលើកសិករ កូនៗពឹងលើចំណូលពីឪពុកម្តាយ ប៉ុន្តែបច្ចុប្បន្ននេះ […]

ព័ត៌មានជាតិ

ឯកឧត្តមរដ្ឋមន្រ្តី វេង សាខុនបានទទួលជួបឯកឧត្តមឯកអគ្គរដ្ឋទូតនៃសាធារណរដ្ឋឆេកដើម្បីសម្តែងការគួរសម និងពិភាក្សាការងារ

May 6, 2022 adm

នៅទីស្តីការក្រសួងកសិកម្ម រុក្ខាប្រមាញ់ និងនេសាទ នៅវេលាម៉ោង ១៥:០០ ថ្ងៃទីព្រហស្បតិ៍ ទី៥ ខែឧសភា ឆ្នាំ២០២២ ឯកឧត្តមរដ្ឋមន្រ្តី វេង សាខុន បានទទួលជួបឯកឧត្តមឯកអគ្គរដ្ឋទូតនៃសាធារណរដ្ឋឆេក ប្រចាំនៅព្រះរាជាណាចក្រកម្ពុជា និងសហការី ដើម្បីសម្តែងការគួរសម និងពិភាក្សាការងារ។ បន្ទាប់ពីបានធ្វើគារវ:កិច្ចគ្នារួចមក ភាគីទាំងពីរបានលើកយកប្រធានបទសំខាន់ៗមកពិភាក្សា គ្នាជាជំហានបឋមក្នុងការធ្វើកិច្ចសហប្រតិបត្តិការរវាងប្រទេសទាំងពីរទាក់ទងនឹងការអភិវឌ្ឍវិស័យកសិកម្ម រុក្ខាប្រមាញ់ និងនេសាទនាពេលអនាគត ដែលក្នុងនោះមានជាអាទិ៍ ៖ ១- ការងារបណ្តុះបណ្តាលធនធានមនុស្ស ទាំងរយ:ពេលខ្លី និងពេលវែង ការផ្លាស់ប្តូរមន្រ្តីជំនាញឲ្យទៅធ្វើទស្សន:កិច្ចសិក្សា ដើម្បីដកស្រង់បទពិសោធន៍លើការងារអនុវត្តបច្ចេកទេសផ្ទាល់ ។ ២- ការអភិវឌ្ឍវិស័យវារីវប្បកម្មទាំងទឹកសាប និងសមុទ្រ ។ ៣- ការធ្វើទំនើបកម្មកសិកម្ម និង ៤- ការពង្រឹងសមត្ថភាពលើការកែច្នៃកសិផល ។ បន្ទាប់ពីបានពិភាក្សាគ្នាស៊ីជម្រៅរួចមក ភាគីទាំងពីរបានឯកភាពគ្នារៀបចំឯកសារអនុស្សរណ:នៃការយោគយល់គ្នា (MOU) ស្តីពី “កិច្ចសហប្រតិបត្តិការលើវិស័យកសិកម្ម” រវាងប្រទេសទាំងពីរ បន្ទាប់មកនឹងឈានទៅអនុវត្តលើខ្លឹមសារ MOU នេះឲ្យចេញជាផ្លែផ្កាដើម្បីជាប្រយោជន៍សម្រាប់ប្រទេសទាំងពីរ។ ឯកឧត្តមរដ្ឋមន្ត្រី ក្នុងនាមក្រសួងកសិកម្ម រុក្ខាប្រមាញ់និងនេសាទ មានក្តីសង្ឃឹម និងការជឿជាក់យ៉ាងមុតមាំថា […]

ព័ត៌មានជាតិ

ឯកឧត្តម សុខ លូ អញ្ជើញដឹកនាំកិច្ចប្រជុំផ្សព្វផ្សាយលិខិតបទដ្ឋាន និងកិច្ចការនានាពាក់ព័ន្ធនឹងដំណើរការរៀបចំកិច្ចប្រជុំលើកដំបូង ដើម្បីប្រកាសសុពលភាពសមាជិកក្រុមប្រឹក្សាឃុំ សង្កាត់ អណត្តិទី៥

July 3, 2022 adm

នៅរសៀលថ្ងៃសុក្រ ៣កើត ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០១ ខែកក្កដា ឆ្នាំ២០២២ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញដឹកនាំកិច្ចប្រជុំផ្សព្វផ្សាយលិខិតបទដ្ឋាន និងកិច្ចការនានាពាក់ព័ន្ធនឹងដំណើរការរៀបចំកិច្ចប្រជុំលើកដំបូង ដើម្បីប្រកាសសុពលភាពសមាជិកក្រុមប្រឹក្សាឃុំ សង្កាត់ អាណត្តិទី៥ ដែលកិច្ចប្រជុំនេះរៀបចំឡើង នៅសាលប្រជុំអគារE សាលាខេត្តបាត់ដំបង ។ ដោយយោងតាមសេចក្ដីណែនាំរបស់ក្រសួងមហាផ្ទៃ ស្ដីពីការរៀបចំកិច្ចប្រជុំលើកដំបូង ដើម្បីប្រកាសសុពលភាពសមាជិកក្រុមប្រឹក្សាឃុំ សង្កាត់ ប្រកាសឈ្មោះប្រធានក្រុមប្រឹក្សាឃុំ សង្កាត់ មេឃុំ ចៅសង្កាត់ ជំទប់ ចៅសង្កាត់រង និងការចាប់ផ្ដើមបំពេញការងារបន្ទាប់ពីការប្រជុំលើកដំបូង ដោយអនុលោមមាត្រា១៩នៃច្បាប់ស្ដីពីការគ្រប់គ្រងរដ្ឋបាល ឃុំ សង្កាត់ ។ ឆ្លៀតក្នុងឱកាសនោះដែរ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង ក៏បានធ្វើការណែនាំដល់មេឃុំ ចៅសង្កាត់ សមាជិកក្រុមប្រឹក្សាទាំងអស់ ត្រូវតែខិតខំប្រឹងប្រែងបម្រើប្រជាពលរដ្ឋគ្រប់កាលៈទេសៈ ដើម្បីបំពេញតម្រូវការ បំពេញការពេញចិត្តជូនប្រជាពលរដ្ឋ ហើយត្រូវចេះរាយការណ៍ដល់អភិបាលស្រុក […]