ព័ត៌មានជាតិ

ឯកឧត្តម សុខ លូ បន្តជួបសំណេះសំណាលសួរសុខទុក្ខជាមួយប្រជាពលរដ្ឋ ដែលរស់នៅក្នុងភូមិអណ្ដូងចេញ សង្កាត់អូរចារ ក្រុងបាត់ដំបង ចំនួនជិត១ពាន់នាក់

នៅព្រឹកថ្ងៃព្រហស្បតិ៍ ៤រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៩ ខែឧសភា ឆ្នាំ២០២២ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងជាប្រធានក្រុមការងាររាជរដ្ឋាភិបាល ចុះមូលដ្ឋានក្រុងបាត់ដំបង បានបន្តជួបសំណេះសំណាលជាមួយប្រជាពលរដ្ឋដែលរស់នៅភូមិអណ្ដូងចេញ សង្កាត់អូរចារ ក្រុងបាត់ដំបង ចំនួន ៨២៨នាក់ នៅផ្សារទំនើបភួពុយ ។ ឆ្លៀតក្នុងឱកាសនោះដែរ ឯកឧត្តម សុខ លូ បាននាំយក ប្រសាសន៍ផ្ដាំផ្ញើសួរសុខទុក្ខពីសំណាក់សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តបាត់ដំបង និងលោកជំទាវ ដែលសម្ដេចតែងតែគិតគូរដល់សុខទុក្ខប្រជាពលរដ្ឋ នៅក្នុងខេត្តបាត់ដំបងជានិច្ច និងបានផ្ដាំផ្ញើដល់ប្រជាពលរដ្ឋទាំងអស់ ចូរថែរក្សាសុខភាពឱ្យបានល្អ តាមរយៈការហូបស្អាត រស់នៅស្អាត និងពិសារទឹកស្អាត និងត្រូវបន្តសំអាតបរិស្ថានសណ្ដាប់ធ្នាប់ផ្ទះឱ្យស្អាតជានិច្ច ។ ឯកឧត្តម បានមានប្រសាសន៍បន្តទៀតថា សម្រាប់ការបោះឆ្នោតក្រុមប្រឹក្សា ឃុំ សង្កាត់ នាពេលខាងមុខនេះ សូមប្រជាពលរដ្ឋទាំងអស់ ចូលរួមបោះឆ្នោតឲ្យបានគ្រប់ៗគ្នាចំពោះប្រជាពលរដ្ឋគ្រប់អាយុបោះឆ្នោត […]

ព័ត៌មានជាតិ

កិច្ចប្រជុំស្តីពីកិច្ចសហការ ការងារសន្តិសុខ សុវត្ថិភាព និងសណ្តាប់ធ្នាប់សាធារណៈ សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ ២០២២

ខេត្តកណ្តាល: ព្រឹកថ្ងៃទី ១៩ ខែឧសភា ឆ្នាំ ២០២២ គណៈកម្មាធិការរៀបចំការបោះឆ្នោតខេត្តកណ្តាលបានរៀបចំកិច្ចប្រជុំស្តីពីកិច្ចសហការ ការងារសន្តិសុខ សុវត្ថិភាព និងសណ្តាប់ធ្នាប់សាធារណៈ សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ ២០២២។លោក អៀច សុវណ្ណវាសនា នាយករងរដ្ឋបាលខេត្ត តំណាងដ៏ខ្ពង់ខ្ពស់ឯកឧត្តម គង់ សោភ័ណ្ឌ អភិបាលខេត្តកណ្តាល និងលោក គឹម ហុង ប្រធានគណៈកម្មការរៀបចំការបោះឆ្នោតខេត្តកណ្តាល។ លោក គឹម ហុង ប្រធានគណៈកម្មការរៀបចំការបោះឆ្នោតខេត្តកណ្តាល បានមានប្រសាសន៍ថា៖ គោលបំណងក្នុងកិច្ចប្រជុំនាពេលនេះគឺដេីម្បីរៀបចំសណ្តាប់ធ្នាប់សាធារណៈសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដែលនិងប្រព្រឹត្តទៅ នៅថ្ងៃអាទិត្យ ទី៥ ខែមិថុនា ឆ្នាំ២០២២ ខាងមុខនេះជាពិសេសក្នុងរយៈពេលនៃការឃោសនាបោះឆ្នោត ការបោះឆ្នោត ការរាប់សន្លឹកឆ្នោត និងការប្រកាសលទ្ធផលបោះឆ្នោត ធ្វើយ៉ាងណាអោយគ្រប់ដំណាក់កាលទាំងនេះបានប្រព្រឹត្តទៅរលូន​ គ្មានការគំរាមកំហែង គ្មានការបំភិតបំភ័យ និងគ្មានអំពើហឹង្សា សំដៅធានាអោយបាននូវបរិយាកាសនយោបាយល្អ អព្យាក្រឹត ប្រជាធិបត្តេយ្យ សេរីភាព យុត្តិធម៌ និងតម្លាភាព។ លោកបន្តថា៖ […]

ព័ត៌មានជាតិ

អភិបាលរាជធានីភ្នំពេញ អនុញ្ញាតជូនឯកអគ្គរដ្ឋទូតនៃសាធារណរដ្ឋបារាំងប្រចាំកម្ពុជា ចូលជួបសំដែងការគួរសម និងពិភាក្សាការងារ

នា​រសៀល​ថ្ងៃ​ពុធ​ ០៣រោច ខែ​ពិសាខ ឆ្នាំខាល ចត្វាស័ក​ ព.ស​២៥៦៦ ត្រូវ​នឹង​ថ្ងៃ​ទី​១៨ ខែឧសភា​ ឆ្នាំ​២០២២ ឯកឧត្ដម ឃួង ស្រេង អភិបាល នៃ​គណៈអភិបាល​រាជធានី​ភ្នំពេញ បាន​អញ្ជើញ​ទទួល​ជួប​សម្ដែង​ការ​គួរ​សម​ជាមួយ​ឯកឧត្ដម ហ្សាក់ បុឺឡេ ( H.E.Mr.Jacques PELLET ) ឯកអគ្គរដ្ឋទូត​វិសាមញ្ញ និង​ពេញ​សមត្ថភាព​សាធារណរដ្ឋ​បារាំង ប្រចាំ​ព្រះរាជាណាចក្រ​កម្ពុជា ដើម្បី​ពិភាក្សា​ការងារ​ពង្រឹង​ទំនាក់ទំនង​ការទូត និង​ពង្រឹង​កិច្ច​សហប្រតិបត្តិការ​រវាង​រាជធានី​ភ្នំពេញ និង​ទីក្រុង​ប៉ារីស ឱ្យ​កាន់​តែ​ប្រសើរ។

ព័ត៌មានជាតិ

អភិបាលខេត្តព្រះសីហនុ អញ្ជើញជាអធិបតីក្នុងពិធីជួបសំណេះសំណាលសួរសុខទុក្ខ សមាជិកសមាជិការសមាគមអតីតយុទ្ធជនកម្ពុជាខេត្តព្រះសីហនុ

ព្រឹកថ្ងៃពុធ ៣រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៨ ខែឧសភា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងជាប្រធានកិត្តិយសសមាជិកសមាគមអតីតយុទ្ធជនកម្ពុជាខេត្តព្រះសីហនុ និងលោកជំទាវ បានអញ្ជើញជាអធិបតីក្នុងពិធីជួបសំណេះសំណាលសួរសុខទុក្ខសមាជិកសមាជិការសមាគមអតីតយុទ្ធជនកម្ពុជាខេត្តព្រះសីហនុចំនួនជាង ៣០០នាក់នៅក្នុងស្រុកព្រៃនប់។ ឯកឧត្តម គួច ចំរើន អភិបាលខេត្តព្រះសីហនុបានមានប្រសាសន៍ក្នុងពិធីសំណេះសំណាលជួបជាមួយសមាជិកសមាគមអតីតយុទ្ធជនកម្ពុជាខេត្តព្រះសីហនុដោយលើថាកត្តាសន្តិភាពគឺធ្វើឱ្យមានកំណើនសេដ្ឋកិច្ចជាតិ និងការអភិវឌ្ឍ ហើយពន្លត់បាននូវភ្លើងសង្គ្រាមដែលកន្លងមក បងប្អូនអតីតយុទ្ធជនដែលបានឆ្លងកាត់នូវភ្នក់ភ្លើងសង្រ្គាមនិរាសព្រាត់ប្រាស់ក្រុមគ្រួសារពលី និងពិការរភាពរហូតដល់បច្ចុប្បន្ន។ តែដោយការខិតខំរបស់សម្ដេចតេជោនាយករដ្ឋមន្ត្រី នៃព្រះរាជាណាចក្រកម្ពុជា ដោយយកជីវិតប្តូរយកមកនូវសន្តិភាពដែលធ្វើឱ្យប្រទេសជាតិមានសុខសន្តិភាព ស្ថិរភាពនយោបាយពេញលេញ មានការអភិវឌ្ឍធ្វើឱ្យបងប្អូនអតីតយុទ្ធជនទាំងអស់មានរបប និងប្រាក់ឧបត្ថម្ភសោធននិវត្តន៍មានការកើនឡើងជាបន្តបន្ទាប់ ទាំងអស់នេះគឺដោយកត្តាសន្តិភាព និងការអភិវឌ្ឍ។ ដោយក្នុងនោះ អ៊ុំពូម៉ីងបងប្រុសបងស្រី ជាសមាជិកសមាជិកាសមាគមអតីតយុទ្ធជន គឺជាអ្នកបានលះបង់ និងរួមចំណែកដោយផ្ទាល់ដើម្បីធ្វើឱ្យកម្ពុជាមានសុខសន្តិភាព និងការអភិវឌ្ឍន៍មកដល់ថ្ងៃនេះ។ ក្នុងឆ្នាំកន្លងទៅ ព្រះរាជាណាចក្រកម្ពុជាបានជួបនូវវិបត្តិនៃជំងឺកូវីដ-១៩ ធ្វើឱ្យសេដ្ឋកិច្ចមានការធ្លាក់ចុះហើយទោះជាយ៉ាងណាក៏ដោយ ក៏រាជរដ្ឋាភិបាលនៅតែគិតគូរអំពីសុខទុក្ខ និងប្រាក់ឧបត្ថម្ភដល់បងប្អូនអតីតយុទ្ធជនបានជាបន្តបន្ទាប់ ជាពិសេសក្នុងឆ្នាំ២០២២នេះគឺប្រាក់សោធននិវត្តន៍របស់បងប្អូនអតីតយុទ្ធជនក៏មានការកើនឡើងវិញផងដែរ។ ឯកឧត្តមក៏បានសុំឱ្យបងប្អូនអតីតយុទ្ធជនទាំងអស់ត្រូវចូលរួមថែរក្សាតម្លៃសន្តិភាពឱ្យបានគង់វង្ស ដើម្បីបង្កើនសេដ្ឋកិច្ចជាតិ បង្កើនមុខរបរដល់ក្រុមគ្រួសារ និងការអភិវឌ្ឍប្រទេសជាតិ ក្រោមការដឹកនាំរបស់សម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជានាពេលបច្ចុប្បន្ន និងទៅអនាគតឱ្យបានគង់វង្សឋិតថេរជាអមតៈ។ ឯកឧត្តមអភិបាលខេត្ត […]

ព័ត៌មានជាតិ

ឯកឧត្តមបណ្ឌិត ឈឹម ឃិនដារ៉េត សមាជិកយុវជនគណបក្សប្រជាជនកម្ពុជាថ្នាក់កណ្តាល បានអញ្ជើញចុះជួបសំណេះសំណាលជាមួយសមាជិកគណបក្សប្រជាជនកម្ពុជា នៅឃុំភារីមានជ័យ ស្រុកបសេដ្ឋ ខេត្តកំពង់ស្ពឺ

នាថ្ងៃអាទិត្យ ១៥កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី១៥ ខែឧសភា ឆ្នាំ២០២២ ឯកឧត្តមបណ្ឌិត ឈឹម ឃិនដារ៉េត សមាជិកយុវជនគណបក្សប្រជាជនកម្ពុជាថ្នាក់កណ្តាល និងជាប្រធានក្រុមការងារគណបក្សចុះមូលដ្ឋានឃុំភារីមានជ័យ រួមទាំងក្រុមការងារ បានអញ្ជើញជួបសំណេះសំណាលជាមួយក្រុមចលនាបោះឆ្នោតភូមិចំនួន១២០នាក់ នៅឃុំភារីមានជ័យ ស្រុកបសេដ្ឋ ខេត្តកំពង់ស្ពឺ ក្នុងដំណើរឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២។ ក្នុងឱកាសនោះ ឯកឧត្តមបណ្ឌិតបានមានប្រសាសន៍ថា គណបក្សប្រជាជនកម្ពុជាបាននាំយកមកនូវសុខសន្តិភាពពេញលេញទូទាំងប្រទេស និងអភិវឌ្ឍប្រទេសរីកចម្រើនលើគ្រប់វិស័យ និងផ្តល់នូវសុភមង្គល សុខក្សេមក្សាន្ត ជូនដល់ប្រជាជន។ គណបក្សប្រជាជនកម្ពុជា គឺជាគណបក្សតែមួយគត់ដែលបានរំដោះប្រជាជនកម្ពុជាឱ្យរួចផុតពីការកាប់សម្លាប់ពីរបបប្រល័យពូជសាសន៍ ប៉ុល ពត និងបានកំពុងរួមសុខរួមទុក្ខជាមួយប្រជាជនកម្ពុជារហូតមកដល់បច្ចុប្បន្ន និងទៅអនាគត “មានគណបក្សជាជនកម្ពុជា គឺមានសុខសន្តិភាព និងការអភិវឌ្ឍជឿនលឿនសម្បូរសប្បាយ”។ ប្រឈមនឹងការរាតត្បាតនៃមេរោគកូវីដ-១៩ រាជរដ្ឋាភិបាលកម្ពុជា ក្រោមការដឹកនាំប្រកបដោយចក្ខុវិស័យវែងឆ្ងាយ និងឈ្លាសវៃរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាននាំយកនូវវ៉ាក់សាំងចាក់ជូនប្រជាជននៅទូទាំងប្រទេសដែលធ្វើឱ្យមានភាពស៊ាំក្នុងសហគមន៍នៅទូទាំងប្រទេស ប្រជាជនយើងមានសុខភាពខ្លាំងរឹងមាំអាចកាត់បន្ថយការឆ្លងមេរោគ កាត់បន្ថយភាពឈឺធ្ងន់ធ្ងរ ដែលអាចជៀសផុតពីការស្លាប់ កម្មករ កម្មការិនីរោងចក្រ រក្សាបាននូវការងារ និងប្រាក់ចំណូលសម្រាប់ចិញ្ចឹមក្រុមគ្រួសារ។ លើសពីនេះទៀត […]

ព័ត៌មានជាតិ

ខេត្តកណ្ដាល បានរៀបចំសិក្ខាសាលា ស្តីពីការយល់ដឹងពីការធ្វើអាជីវកម្ម ដើម្បីកាត់បន្ថយបញ្ហាប្រឈមផ្នែកផ្លូវច្បាប់

ខេត្តកណ្តាល៖ ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា គោលបំណងនៅក្នុងសិក្ខាសាលានេះគឺ ដើម្បីផ្តល់ឱកាសដល់ អាជីវករ ពាណិជ្ជករ ក្រុមហ៊ុន សហគ្រាស នៅក្នុងខេត្តកណ្តាល បានយល់ដឹងអំពីច្បាប់ពាក់ព័ន្ធ នៅក្នុងដំណើរការអាជីវកម្មរបស់ខ្លួន ដើម្បីកាត់បន្ថយបញ្ហាប្រឈមនានាដែលជាគន្លឹះជំរុញឱ្យការធ្វើអាជីវកម្មមានភាពរឹងមាំ បង្កើតបរិយាកាស អាជីវកម្មប្រកបដោយការប្រកួតប្រជែង និងមានភាពស្មោះត្រង់។ ឯកឧត្តមបានមានប្រសាសន៍ដូច្នេះ នៅក្នុងសិក្ខាសាលាស្តីពីការយល់ដឹងពីការធ្វើអាជីវកម្ម របស់ពាណិជ្ជករកម្ពុជា ដើម្បីកាត់បន្ថយបញ្ហាប្រឈមផ្នែកផ្លូវច្បាប់ ដោយបានការអញ្ជើញជាអគណៈអធិបតីពី ឯកឧត្តម នុត ពុធដារ៉ា អភិបាលរងខេត្តកណ្តាល និងមានការអញ្ជើញចូលរួមពី មន្ទីរពាក់ព័ន្ធ ម្នាស់អាជីវកម្ម និងអាជីវករ ក្រុមហ៊ុន សហគ្រាសក្នុងខេត្តជាង ២០០នាក់ នៅព្រឹកថ្ងៃទី១៦ ខែឧសភា ឆ្នាំ២០២២នេះ នៅសាលាខេត្តកណ្តាល។ ឯកឧត្តម ម៉ៅ ថូរ៉ា បានមានប្រសាសន៍បន្តថា សិក្ខាសាលានាថ្ងៃនេះ គឺផ្ដោតសំខាន់ទៅលើច្បាប់ចំនួន៤ រួមមាន៖ ១. ច្បាប់ស្តីពីវិនិយោគនៃព្រះរាជាណាចក្រកម្ពុជា ២. ច្បាប់ស្តីពីកិច្ចការពារអ្នកប្រើប្រាស់ ៣. ច្បាប់ស្តីពីការប្រកួតប្រជែង ៤. ច្បាប់ស្តីពីការគ្រប់គ្រងគុណភាព សុវត្ថិភាពលើផលិតផលទំនិញ […]

ព័ត៌មានជាតិ

ជនសង្ស័យម្នាក់ត្រូវបានឃាត់ខ្លួន ពាក់ព័ន្ធឆក់ទូរស័ព្ទដៃ ត្រូវបានកម្លាំងអធិការដ្ឋាននគរបាលខណ្ឌដូនពេញ

នៅថ្ងៃទី១៥ ខែឧសភា ឆ្នាំ២០២២ វេលាម៉ោង១៩:៣០នាទី កម្លាំងអធិការដ្ឋាននគរបាលខណ្ឌដូនពេញ ឃាត់ខ្លួនជនសង្ស័យម្នាក់ នៅចំណុចមុខកន្លែងទិញលក់រថយន្តយីហោ R៩៩ ផ្លូវ៧០ ភូមិ២១ សង្កាត់ស្រះចក ខណៈកម្លាំងកំពុងល្បាតក្នុងមូលដ្ឋាន ពាក់ព័ន្ធឆក់ទូរស័ព្ទដៃ។ ជនសង្ស័យឈ្មោះ ចាន់ ថារស្មី ភេទប្រុស អាយុ៣៤ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ។ បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕

ព័ត៌មានជាតិ

ក្រុមប្រឹក្សាខេត្តកណ្ដាល បើកកិច្ចប្រជុំសាមញ្ញលើកទី៣៦ អាណត្តិទី៣

ខេត្តកណ្តាល៖ ក្រុមប្រឹក្សាខេត្តកណ្ដាល នៅព្រឹកថ្ងៃទី១២ ខែឧសភា ឆ្នា២០២២នេះ បានបើកកិច្ចប្រជុំសាមញ្ញលើកទី៣៦ អាណត្តិទី៣ របស់ខ្លួន ក្រោមគណៈអធិបតី ឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សាខេត្ត និងឯកឧត្ដម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល ដោយមានការចូលរួមពីឯកឧត្តម លោកជំទាវ សមាជិកក្រុមប្រឹក្សា អភិបាលរងខេត្ត លោក លោកស្រីប្រធាន អនុប្រធានមន្ទីរ អង្គភាពជុំវិញខេត្ត និងមន្ត្រីពាក់ព័ន្ធជាច្រើនរូបទៀត។ ថ្លែងក្នុងកិច្ចប្រជុំនេះ ឯកឧត្តមប្រធានក្រុមប្រឹក្សាខេត្ត បានជំរុញដល់ អធិការនគរបាលក្រុង-ស្រុក និងមេប៉ុស្តិ៍នគរបាលរដ្ឋបាលឃុំ-សង្កាត់ទាំងអស់ ត្រូវខិតខំយកចិត្តទុកដាក់ក្នុងការធ្វើអត្តសញ្ញាណប័ណ្ណជូនប្រជាពលរដ្ឋដែលគ្រប់អាយុ និងប្រជាពលរដ្ឋដែលមានអត្តសញ្ញាណប័ណ្ណហួសសុពលភាព ឱ្យបានឆាប់រហ័ស ដើម្បីប្រើប្រាស់តាមភាពចាំបាច់ផ្សេងៗ ពិសេសបម្រើដល់ការចុះឈ្មោះបោះឆ្នោត និងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នៅថ្ងៃអាទិត្យ ទី៥ ខែមិថុនា ឆ្នាំ២០២២ខាងមុខនេះ។ ក្រៅពីនេះ អាជ្ញាធរទាំងអស់ ត្រូវបន្តយកចិត្តទុកដាក់ពង្រឹងលើកិច្ចការពារការឆ្លងរីករាលដាលនៃជំងឺកូវីដ-១៩ ឱ្យល្អបំផុត ដោយបំផុសឱ្យប្រជាពលរដ្ឋ បន្តអនុវត្តនូវវិធានការ ៣កុំ ៣ការពារ និងបន្តផ្សព្វផ្សាយណែនាំដល់ប្រជាពលរដ្ឋទៅចាក់វ៉ាក់សាំងការពារជំងឺកូវីដ-១៩ ទាំងដូសមូលដ្ឋាន និងដូសជំរុញឱ្យបានគ្រប់ៗគ្នា។ ឯកឧត្តមបានបន្ថែមថា ក្រៅពីធ្វើអត្តសញ្ញាណប័ណ្ណជូនប្រជាពលរដ្ឋ […]

ព័ត៌មានជាតិ

ឯកឧត្ដម វេង សាខុនរួមដំណើរជាមួយ ឯកឧត្តម ស្វាយ សំអៀងបានអញ្ជើញមកពិនិត្យ ចំការស្វាយ របស់ក្រុមហ៊ុន ហ្គ្រីន ស៊ី អេហ្គ្រីខលជ័រ

ស្ថិតនៅក្នុងខេត្តស្ទឹងត្រែងដដែល នាព្រឹកថ្ងៃព្រហស្បតិ៍ ១២កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី១២ ខែឧសភា ឆ្នាំ២០២២ ឯកឧត្តមរដ្ឋមន្ត្រី រួមដំណើរជាមួយ ឯកឧត្តម ស្វាយ សំអៀង អភិបាលនៃគណ:អភិបាលខេត្ត និងសហការី បានអញ្ជើញមកពិនិត្យ ចំការស្វាយ របស់ក្រុមហ៊ុន ហ្គ្រីន ស៊ី អេហ្គ្រីខលជ័រ នៅឃុំ អូរស្វាយ ស្រុកបុរីអូរស្វាយសែនជ័យ។ Mr.Jacky នាយកចាត់ការទូទៅបានស្វាគមន៍ និងរាយការណ៍ជូនឯកឧត្តមរដ្ឋមន្រ្តីជ្រាបអំពីស្ថានភាពផលិតកម្មផ្លែស្វាយជារួមមានជាអាទិ៍ ៖ ពូជត្រូវបាននាំចូលពីប្រទេសតៃវ៉ាន់ អាមេរិក និងអូស្រ្តាលី មានពូជ ៖ R2E2 , Jinh Wang , Keitt Mango , Red Golden Dragon, Tainong , Guire ជាមួយនឹងថ្នាលកូនស្វាយពូជអាយុបីឆ្នាំ សម្រាប់ដាំដុះបន្ត ។ មកទល់នឹងបច្ចុប្បន្ននេះក្រុមហ៊ុនបានដាំដុះលើផ្ទៃដីសរុបចំនួន ១ ២០០ […]

ព័ត៌មានជាតិ

អភិបាលរងខេត្តស្វាយរៀងបានអញ្ជើញអមដំណើរឯកឧត្តមបណ្ឌិតសភាចារ្យ អ៊ុក រ៉ាប៊ុនអញ្ជើញទៅពិនិត្យការដ្ឋានស្ថាបនាផ្លូវជនបទក្រាលកៅស៊ូពីរជាន់ប្រភេទ DBST

នាព្រឹកថ្ងៃអង្គារ ១០កើត ខែចេត្រ ឆ្នាំខាល ត្រីស័ក ព.ស.២៥៦៥ ត្រូវនឹងថ្ងៃទី១០ ខែឧសភា ឆ្នាំ២០២២ ឯកឧត្ដម តូច ប៉ូលីវ៉ា អភិបាលរងខេត្តស្វាយរៀងតំណាងឯកឧត្ដមអភិបាលខេត្ត បានអញ្ជើញអមដំណើរឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ ដឹកនាំប្រតិភូ និងក្រុមអ្នកបច្ចេកទេសក្រសួងអញ្ជើញទៅពិនិត្យការដ្ឋានស្ថាបនាផ្លូវជនបទក្រាលកៅស៊ូពីរជាន់ប្រភេទ DBST ក្នុងក្របខណ្ឌគម្រោងកែលម្អផ្លូវជនបទ ជំហានទី ៣ របស់ក្រសួងអភិវឌ្ឍន៍ជនបទ ចំនួន២ ខ្សែ នៅខេត្តស្វាយរៀង ដូចខាងក្រោម៖ -ខ្សែទី១៖ ប្រវែង ៩, ១៧០ គីឡួម៉ែត្រ ទទឹងខ្នងលើប្រវែង ៨ ម៉ែត្រ តភ្ជាប់ពីភូមិកំពង់ចក ទៅដល់ភូមិពងទឹក ឃុំពងទឹកស្រុករំដួល ។ ជាលទ្ធផលសម្រេចបាន ៥៣% ហើយគ្រោងនឹងបញ្ចប់ការស្ថាបនានៅខែមេសា ឆ្នាំ២០២៣ ខាងមុខ ។ -ខ្សែទី២៖ ប្រវែង២៤, ៩៦០ គីឡូម៉ែត្រ ទទឹងខ្នងលើ ៨ ម៉ែត្រ តភ្ជាប់ពីភូមិព្រៃគាវ ឃុំកំពង់ចក […]